Սարկաւագ. Եւ եւս խաղաղութեան զՏէր աղաչեսցուք, ընկալ կեցո եւ ողորմեա:
Քահանայ. Օրհնութիւն եւ փառք Հօր եւ Որդւոյ եւ Հոգւոյն Սրբոյ, այժմ եւ միշտ եւ յաւիտեանս յաւիտենից. ամէն:
📝
Դպիրներ. Լոյս ի Լուսոյ՝ ի Հօրէ առաքեցար և մարմնացար ի սուրբ Կուսէն, զի վերստին նորոգեսցես զապականեալն Ադամ:
Դու, Աստուա՛ծ, ի յերկրի երևեցար և ընդ մարդկան շրջեցար և փրկեցեր զտիեզերս յանիծիցն Ադամայ:
Մովսէս Խորենացի 📝 |
Սաղմոս կցորդ ԻԸ. 3. 2-4
Քահանայ. (կոնքին մէջ փարչով ջուր կը հեղու խաչանման եւ կ'ըսէ) Ձայն Տեառն ի վերայ ջուրց, եւ Աստուած փառաց որոտաց, եւ Տէր ինքն ի վերայ ջուրց բազմաց:
Սարկաւագ. Մատուցէք Տեառն զփառս եւ զպատիւ. մատուցէք Տեառն զփառս անուան նորա. եւ երկիր պագէք Տեառն ի սրահ սրբութեան նորա:
Քահանայ. Ձայն Տեառն ի վերայ ջուրց, եւ Աստուած փառաց որոտաց, եւ Տէր ինքն ի վերայ ջուրց բազմաց:
Սարկաւագ. Ձայն Տեառն զօրութեանց, եւ ձայն Տեառն մեծ վայելչութեանց:
Ընթերցողն.
Սարկաւագ. Մատուցէք Տեառն զփառս եւ զպատիւ. մատուցէք Տեառն զփառս անուան նորա. եւ երկիր պագէք Տեառն ի սրահ սրբութեան նորա:
Քահանայ. Ձայն Տեառն ի վերայ ջուրց, եւ Աստուած փառաց որոտաց, եւ Տէր ինքն ի վերայ ջուրց բազմաց:
Սարկաւագ. Ձայն Տեառն զօրութեանց, եւ ձայն Տեառն մեծ վայելչութեանց:
Ընթերցողն.
Ընթերցուածս յԵսայեայ մարգարէէ: ԳԼ. ԺԲ. 3-6
Այսպէս ասէ Տէր. Եւ առէք ջուր ուրախութեան յաղբերացն փրկութեան: Եւ ասասցես յաւուր յայնմիկ. օրհնեցէք զՏէր, հնչեցէք զանուն նորա, պատմեցէք ի հեթանոսս զփառս նորա, յիշեցէք զի բարձրացաւ անուն նորա: Օրհնեցէք զանուն Տեառն զի մեծամեծս արար, պատմեցէք զայս ամենայն երկրի: Ցնծացէք եւ ուրախ լերուք բնակիչք Սիովնի, զի բարձրացաւ սուրբն Իսրայելի ի մէջ նորա:
Ընթերցուածս ի Յեսուայ յորդւոյ Նաւեայ: ԳԼ. Գ. 14-17
Եւ եղեւ իբրեւ չուեաց ժողովուրդն ի խորանաց իւրեանց անցանել ընդ Յորդանան, եւ քահանայքն բարձին զտապանակ ուխտին Տեառն առաջի ամենայն ժողովրդեանն: Եւ իբրեւ մտանէին քահանայքն որ կրէին զտապանակ ուխտին ի Յորդանան, եւ ոտք քահանայիցն կրելեաց տապանակին մխեցան յեզր ջրոյն Յորդանանու, եւ Յորդանան լցեալ գայր դարիւ եւ դարիւ որպէս յաւուրս հնձոց ցորենոյ, եւ կացին ջուրքն որ իջանէին ի վերուստ միաձոյլք, անջրպետեալք, հեռացեալք յոյժ յոյժ, յԱդամիտէս քաղաքէ մինչեւ ի մասն Կարիաթարիմայ. եւ որ իջանէինն իջին ի ծովն Արաբացւոց, ի ծովն Աղի, մինչեւ ի սպառ նուազելոյ. եւ ժողովուրդն կայր յանդիման Երիքովի: Եւ կացին քահանայքն որ կրէին զտապանակ ուխտին Տեառն ի վերայ ցամաքի ի մէջ Յորդանանու պատրաստութեամբ: Եւ ամենայն որդիքն Իսրայելի ապցին ընդ ցամաք, մինչեւ վախճանեաց ամենայն ժողովուրդն անցանել ընդ Յորդանան:
Ընթերցուածս յԵլից: ԳԼ. ԺԵ. 22-27
Եւ խաղացոյց Մովսէս զորդիսն Իսրայելի ի Կարմիր ծովէ անտի, եւ էած զնոսա յանապատն ի Սուր. եւ գնացին երեքօրեայ ճանապարհ յանապատի անդ, եւ ոչ գտանէին ջուր ըմպելոյ: Եկին ի Մեռայ, եւ ոչ կարէին ըմպել ջուր ի Մեռայն, քանզի դառն էր. վասն այնորիկ անուանեաց զանուն տեղւոյն այնորիկ Դառնութիւն: Եւ տրտնջեաց ժողովուրդն զՄովսիսէ եւ ասեն. Զի՞նչ արբցուք: Աղաղակեաց Մովսէս առ Տէր, եւ եցոյց նմա Տէր փայտ. եւ էարկ զայն ի ջուրն, եւ քաղցրացաւ ջուրն: Եւ ասէ, եթէ լսելով լուիցես ձայնի Տեառն Աստուծոյ քում, եւ զհաճոյս առաջի նորա արասցես, եւ ունկնդիր լիցիս պատուիրանաց նորա, եւ պահեսցես զամենայն իրաւունս նորա, զամենայն զախտն զոր ածի ի վերայ Եգիպտացւոցն, ոչ ածից ի վերայ քոյ. զի ես եմ Տէր որ բժշկեմ զքեզ: Եւ եկին յԵցիմ. եւ էին անդ երկոտասան աղբիւր ջրոց եւ եօթանասուն ծառ արմաւենեաց. եւ անդ բանակեցան առ ջրովն:
Ընթերցուածս ի Չորրորդ Թագաւորութեանց: ԳԼ. Բ. 19-22
Եւ ասեն արք քաղաքին ցԵղիսեէ. Ահաւասիկ բնակութիւն քաղաքիս բարի է, որպէս եւ տէրդ իսկ տեսանէ, եւ ջուրքս չար եւ երկիրս անզաւակ: Եւ ասէ Եղիսեէ. Առէք առ իս կուժ մի նոր, եւ դիք այդր: Եւ բերին առ նա, եւ ել Եղիսեէ յականս ջրոցն, եւ էարկ անդ աղ եւ ասէ. Այսպէս ասէ Տէր. բժշկեմ զջուրսդ զայդոսիկ, եւ մի եւս լիցի այտի մահ եւ անզաւակութիւն: Եւ բժշկեցան ջուրքն մինչեւ ցայսօր ըստ բանին Եղիսէի զոր խօսեցաւ:
Ընթերցուածս յԵզեկիէլէ մարգարէէ: ԳԼ. ԽԷ. 1-12
Եւ եմոյծ զիս Հոգին առաջի դրան տաճարին, եւ ահա ելանէր ջուր ի ներքոյ վայրագաւաթի տաճարին ընդ արեւելս. զի երեսք տաճարին հայէին ընդ արեւելս. եւ ջուրն հոսէր յաջմէ կողմանէ տաճարին ի հիւսիսոյ ի սեղանն կոյս: Եւ եհան զիս ընդ ճանապարհ դրանն հիւսիսոյ, եւ շրջեցոյց զիս ընդ ճանապարհ դրանն արտաքնոյ առ դրամբն արտաքնով որ հայէր ընդ արեւելս. եւ ահա ջուրն հոսէր յաջմէ կողմանէ: Եւ իբրեւ զելս առն դէմ յանդիման, եւ չափ ի ձեռին իւրում: Եւ չափեաց հազար չափովն, եւ էանց ընդ ջուրն ջուր յորդութեան. եւ չափեաց հազար չափովն, եւ էանց ընդ ջուրն, եւ հարկանէր ջուրն մինչեւ ցերանսն. եւ չափեաց հազար չափովն, եւ էանց ընդ ջուրնշ եւ հարկանէր ջուրն մինչեւ ցքօտին. եւ չափեաց հազար չափովն զուխսն եւ ոչ կարէր անցանել, զի յորդեաց ջուրն իբրեւ զյորձանս հեղեղաց ընդ որ ոչ ոք անցանիցէ: [...] Եւ զդալարութիւն իւր յառաջագոյն արձակեսցէ. զի ջուրք նորա ի սրբութեանց ելանիցեմ. եւ եղիցի պտուղ նոցա ի կերակուր, եւ ելք նոցա ի բժշկութիւն:
Պօղոսի առաքելոյն ի Կորնթացւոց առաջին թղթոյն է ընթերցուածս: ԳԼ. Ժ. 1-4
Ոչ կամին եթէ տգէտք իցէք, եղբարք, զի հարքն մեր ամենեքին ընդ ամպովն էին, եւ ամենեքին ընդ ծովն անցին, եւ ամենեքին ի Մովսէս մկրտեցան յամպն եւ ի ծովն, եւ ամենեքին զնոյն զհոգեւոր զկերակուրն կերին, եւ ամենեքին զնոյն զհոգեւոր ըմպելին արբին. զի ըմպէին ի հոգեւոր վիմէն որ երթայր զհետ նոցա, եւ վէմն էր ինքն Քրիստոս:
Սարկաւագ. Ալէլուիա, ալէլուիա: Ուրախ եղիցին երկինք եւ ցընծասցէ երկիր. զուարճասցի ծով լրիւ իւրով, ցընծասցեն դաշտք եւ ամենայն որ է ի նոսա:
Սարկաւագ. Ալէլուիա Օրթի:
Քահանայ. Խաղաղութիւն ամենեցուն:
Դպիրներ. Եւ ընդ հոգւոյդ քում:
Սարկաւագ. Երկիւղածութեամբ լուարուք:
Քահանայ. Սրբոյ Աւետարանիս Յիսուսի Քրիստոսի որ ըստ Մատթէոսի:
Դպիրներ. Փառք քեզ Տէր Աստուած մեր:
Սարկաւագ. Պռօսխումէ:
Դպիրներ. Ասէ Աստուած:
Քահանայ. Վասն մկրտութեան Տեառն մերոյ եւ Փրկչին Յիսուսի Քրիստոսի:
Քահանայ. Յաւուրսն յայնոսիկ գայ Յովհաննէս մկրտիչ քարոզել յանապատին Հրէաստանի, եւ ասել. Ապաշխարեցէք զի մերձեալ է արքայութիւն երկնից. զի սա է վասն ասացաւ ի ձեռն Եսայեայ մարգարէի, որ ասէ. Ձայն բարբառոյ յանապատի, պատրաստ արարէք զճանապարհ Տեառն, եւ ուղիղ արարէք զշաւիղս նորա: Եւ ինքն Յովհաննէս ունէր հանդերձ ի ստեւոյ ուղտու, եւ գօտի մաշկեղէն ընդ մէջ իւր, եւ կերակուր նորա էր մարախ եւ մեղր վայրենի: Յայնժամ ելանէին առ նա ամենայն Երուսաղէմացիք եւ ամենայն Հրէաստան եւ ամենայն կողմն Յորդանանու, մկրտէին ի նմանէ ի Յորդանան գետ, եւ խոստովան լինէին զմեղս իւրեանց: Եւ տեսեալ զբազումս ի Սադուկեցւոցն եւ ի Փարիսեցւոց եկեալս ի մկրտութիւն նորա ասէ ցնոսա: Ծնունդք իժից, ո՞եցոյց ձեզ փախչել ի բարկութենէն որ գալոցն է: Արարէք այսուհետեւ պտուղ արժանի ապաշխարութեան, եւ մի համարիցիք ասել յանձինս թէ ունիմք մեք հայր զԱբրահամ. ասեմ ձեզ, զի կարող է Աստուած ի քարանցս յայսցանէ յարուցանել որդիս Աբրահամու: Զի աւասիկ տապար առ արմին ծառոց դնի. ամենայն ծառ որ ոչ առնիցէ զպտուղ բարի, հատանի եւ ի հուր արկանի: Ես մկրտեմ զձեզ ջրով յապաշխարութիւն, բայց որ զկնի իմ գայ հզօրագոյն է քան զիս, եւ ես չեմ բաւական բառնալ զկօշիկս նորա. նա մկրտեսցէ զձեզ ի Հոգին Սուրբ եւ ի հուր: Որոյ հեծանոցն ի ձեռին իւրում, ես սրբեսցէ զկալ իւր, եւ ժողովեսցէ զցորեանն ի շտեմարանս իւր, եւ զյարդն այրեսցէ անշէջ հրով: Յայնժամ գայ Յիսուս ի Գալիլէէ ի Յորդանան առ Յովհաննէս մկրտիլ ի նմանէ: Եւ Յովհաննէս արգելու զնա եւ ասէ. Ինձ պիտոյ է ի քէն մկրտիլ եւ դու առ ի՞ս գաս: Պատասխանի ետ Յիսուս եւ ասէ ցնա. Թոյլ տուր այժմ, զի այսպէս վայել է մէզ լնուլ զամենայն արդարութիւն. Եւ ապա թոյլ ետ նմա: Եւ իբրեւ մկրտեցաւ Յիսուս, ել վաղվաղակի ի ջրոյ անտի. եւ ահա բացանն նմա երկինք, եւ ետես զՀոգին Աստուծոյ զի իջանէր իբրեւ զաղանւի եւ գայր ի վերայ նորա: Եւ ահա ձայն յերկնից որ ասէր. Դա է Որդի իմ սիրելի ընդ որ հաճեցայ:
Սարկաւագ. Ալէլուիա, ալէլուիա: Ուրախ եղիցին երկինք եւ ցընծասցէ երկիր. զուարճասցի ծով լրիւ իւրով, ցընծասցեն դաշտք եւ ամենայն որ է ի նոսա:
Սարկաւագ. Ալէլուիա Օրթի:
Քահանայ. Խաղաղութիւն ամենեցուն:
Դպիրներ. Եւ ընդ հոգւոյդ քում:
Սարկաւագ. Երկիւղածութեամբ լուարուք:
Քահանայ. Սրբոյ Աւետարանիս Յիսուսի Քրիստոսի որ ըստ Մատթէոսի:
Դպիրներ. Փառք քեզ Տէր Աստուած մեր:
Սարկաւագ. Պռօսխումէ:
Դպիրներ. Ասէ Աստուած:
Քահանայ. Վասն մկրտութեան Տեառն մերոյ եւ Փրկչին Յիսուսի Քրիստոսի:
Քահանայ. Յաւուրսն յայնոսիկ գայ Յովհաննէս մկրտիչ քարոզել յանապատին Հրէաստանի, եւ ասել. Ապաշխարեցէք զի մերձեալ է արքայութիւն երկնից. զի սա է վասն ասացաւ ի ձեռն Եսայեայ մարգարէի, որ ասէ. Ձայն բարբառոյ յանապատի, պատրաստ արարէք զճանապարհ Տեառն, եւ ուղիղ արարէք զշաւիղս նորա: Եւ ինքն Յովհաննէս ունէր հանդերձ ի ստեւոյ ուղտու, եւ գօտի մաշկեղէն ընդ մէջ իւր, եւ կերակուր նորա էր մարախ եւ մեղր վայրենի: Յայնժամ ելանէին առ նա ամենայն Երուսաղէմացիք եւ ամենայն Հրէաստան եւ ամենայն կողմն Յորդանանու, մկրտէին ի նմանէ ի Յորդանան գետ, եւ խոստովան լինէին զմեղս իւրեանց: Եւ տեսեալ զբազումս ի Սադուկեցւոցն եւ ի Փարիսեցւոց եկեալս ի մկրտութիւն նորա ասէ ցնոսա: Ծնունդք իժից, ո՞եցոյց ձեզ փախչել ի բարկութենէն որ գալոցն է: Արարէք այսուհետեւ պտուղ արժանի ապաշխարութեան, եւ մի համարիցիք ասել յանձինս թէ ունիմք մեք հայր զԱբրահամ. ասեմ ձեզ, զի կարող է Աստուած ի քարանցս յայսցանէ յարուցանել որդիս Աբրահամու: Զի աւասիկ տապար առ արմին ծառոց դնի. ամենայն ծառ որ ոչ առնիցէ զպտուղ բարի, հատանի եւ ի հուր արկանի: Ես մկրտեմ զձեզ ջրով յապաշխարութիւն, բայց որ զկնի իմ գայ հզօրագոյն է քան զիս, եւ ես չեմ բաւական բառնալ զկօշիկս նորա. նա մկրտեսցէ զձեզ ի Հոգին Սուրբ եւ ի հուր: Որոյ հեծանոցն ի ձեռին իւրում, ես սրբեսցէ զկալ իւր, եւ ժողովեսցէ զցորեանն ի շտեմարանս իւր, եւ զյարդն այրեսցէ անշէջ հրով: Յայնժամ գայ Յիսուս ի Գալիլէէ ի Յորդանան առ Յովհաննէս մկրտիլ ի նմանէ: Եւ Յովհաննէս արգելու զնա եւ ասէ. Ինձ պիտոյ է ի քէն մկրտիլ եւ դու առ ի՞ս գաս: Պատասխանի ետ Յիսուս եւ ասէ ցնա. Թոյլ տուր այժմ, զի այսպէս վայել է մէզ լնուլ զամենայն արդարութիւն. Եւ ապա թոյլ ետ նմա: Եւ իբրեւ մկրտեցաւ Յիսուս, ել վաղվաղակի ի ջրոյ անտի. եւ ահա բացանն նմա երկինք, եւ ետես զՀոգին Աստուծոյ զի իջանէր իբրեւ զաղանւի եւ գայր ի վերայ նորա: Եւ ահա ձայն յերկնից որ ասէր. Դա է Որդի իմ սիրելի ընդ որ հաճեցայ:
Սարկաւագ. Վասն ի վերուստ խաղաղութեան եւ փրկութեան անձանց մերոց, զՏէր աղաչեսցուք:
Քահանայ. Տէր ողորմեա:
Սարկաւագ. Վասն խաղաղութեան ամենայն աշխարհի եւ հաստատութեան սրբոյ Եկեղեցւոյ, զՏէր աղաչեսցուք:
Սարկաւագ. Վասն առաջի կայ ջրոյս եւ որ հանդերձեալ են հաւատովք ընդունիլ զօրհնութիւն ի սմանէ, զՏէր աղաչեսցուք:
Սարկաւագ. Վասն ընդունելոյ սմա զօրհնութիւնն Յորդանանու շնորհօք Միածնին որ լուսաւորեաց զմեզ, զՏէր աղաչեսցուք:
Սարկաւագ. Վասն իջանելոյ Հոգւոյն Սրբոյ ի ջուրս յայս եւ վերածնելոյ որք մկրտին եւ լինին որդիք լուսոյ եւ ճշմարտութեան, զՏէր աղաչեսցուք:
Սարկաւագ. Վասն լինելոյ սմա ի բժշկութիւն հոգւոց եւ մարմնոց, զՏէր աղաչեսցուք:
Սարկաւագ. Յիշելով զԱստուածածին սուրբ կոյսն Մարիամ եւ զմկրտիչն Յովհաննէս եւ զամենայն սուրբս, եւ նոքօք, զՏէր աղաչեսցուք:
Սարկաւագ. Եւ եւս միաբան վասն ճշմարիտ եւ սուրբ հաւատոյս մերոյ, զՏէր աղաչեսցուք:
Սարկաւագ. Զանձինս մեր եւ զմիմեանս Տեառն Աստուծոյ ամենակալին յանձն արասցուք:
Սարկաւագ. Ողորմեաց մեզ տէր Աստուած մեր, ըստ մեծի ողորմութեան քում. ասասցուք ամենեքեան միաբանութեամբ:
Քահանայ. Օրհնութիւն ջրոյ, զոր ասացեալ է սրբոյն Բարսղի Կեսարացւոյ: Օրհնեալ ես տէր Աստուած ամենակալ յամենայնի հզօր եւ սքանչելագոյծ, որ արարեր զերկինս եւ զերկիր եւ զծով յաննիւթից եւ յանպատրաստ խաւարային ամդմդոց, եւ Հոգիդ քո շրջէր ի վերայ ջրոց: [...] Դու ստեղծեր զմարդն հող յերկրէ, եւ կենդանացուցեր քո Ամենասուրբ փչմամբդ եւ սեփականեցեր նմա զդրախտն Եդեմ ընդ արեւելս. եւ զբոլոր աշխարհս հնազանդեցուցեր նմա: Իսկ նա ի պատրանաց օձին որ խաբեալ ջամբեաց նմա իբրեւ տղայոյ զպտուղ ծառոյն գիտութեան, մերկացեալ ի փառացն կարկատուն տերեւովն արտաքսեցաւ ի դրախտէն: Բայց դու ոչ անտես արարեր զծառայն քո, այլ գթագեալ ի ծնունդս նորա [...] Բացում եւ այլ սքանչելիս բարեգործեցեր յազգս մարդկան. իսկ ի վախճանի աւուրց առաքեցեր զՈրդիդ քո միածին ի հայրական ծոցոյ որ եկն եւ զգեցաւ զմարմին ի սրբոյ Կուսէն. եւ ել ի խնդիր մոլորելոյն զոր թշնամին եհան ի դրախտէն կենաց, եւ հետամտեալ իբրեւ զչար գազան մահաբեր թունօքն վիրաւորեաց ազգի ազգի ախտիւք. եւ վայրենի ճանապարհաց եւ դաշտաց ցիր եւ ցան կացոյց: Իսկ բարերար Միածինդ քո բարբառեալ քաղցր ձայնիւ ասաց եթէ. Եկայք առ իս ամենայն աղխատեալք եւ բեռնաւորք, եւ ես հանգուցիգ զձեզ քաղցր լծով եւ փոքր բեռամբ. եւ ժողովեալ զամենայն բարերարութեամբն իւրով էած ի Յորդանան գետ. եւ տեսեալ զվիշապն ահագին բունեալ ի ջուրսն որ կլանել զմարդիկ. [...] Իսկ միածին Որդիդ քո ինքնին իսկ մեծաւ զօրութեամբն իւրով ի ջուրսն գարշապարացն կոխան արարեալ, զմեծ գազանն թշուառացոյց, ըստ յառաջասաց մարգարէին թէ. Դու ջաղխեցեր զգլուխ վիշապին ի վերայ ջուրց: Անդ յայտնեալ քո զԱստուածութիւն իւր, Հայր, կարդալով առ նա. Դա է որդի իմ սիրելի, եւ լուսափայլ Հոգին աղաւանակերպ իջմամբն: Ուստի եւ յառաջընթաց կարապետն եւ մկրտիչն Յովհաննէս մատամբն ցուցանէ. Ահա գառն Աստուծոյ որ բառնայ զմեղս աշխարհի. եւ ապա ամենեցուն հրամայեաց իջանել ի ջուրն եւ կոխել զզօրութիւն թշնամւոյն. եւ լուացեալ խաչանշան դրոշմամբ, ի մի հօտ եւ ի մի հովիւ. ընտրեաց ի գաւիթս իւր սուրբ Եկեղեցի: Ամրացոյց մարգարէիւք, պարսպեաց առաքելովք, պսակազգեստ արար մարտիրոսօք, զուարճացոյց աւետարանական բանիւն, զի ամենեքեան վայելեսցեն ի խաղաղութեան: Երիտասարդք եւ կուսանք, ծերք եւ տղայք, հանդերձ ցնծութեամբ եւ ուրախութեամբ ամենայն հոգիք, տայցեն գոհութիւնս Աստուծոյ: Զի այսօր աստուածային եւ երկնային սուրբ եւ պատուական ե Տօնս. եւ ծագումն աստուածային ճառագայթից լուսոյ Սուրբ Հոգւոյն պայծառացեալ յաշխարհս ծագէ: Այսօր սրբէ զջուրս, լուսաւորէ զմարդիկ, եւ երկնայինս առնէ: Այսօր երկիր, նոր երկին եղեւ պատուով. քանզի Որդին Աստուծոյ յերկրի երեւեցաւ եւ ընդ մարդկան շրջեցաւ, եւ եկեալ այսօր ի Յորդանան գետ իջանելով սրբէ զջուրս, եւ լուսաւորէ զմարդիկ ի սրբութիւն ջրոյ եւ հոգւոյ կենդանութեան: Այսօր երրորդական Աստուածութիւնն յերկրի երեւեալ եւ լի է ամենայն երկիր փառօք նորա. Հայր յերկնից վկայէ. Դա է որդի իմ սիրելի, ընդ որ հաճեցայ. եւ Սուրբ Հոգին իջանելով ի վերայ նորա ի նմանութիւն աղաւնոյ: [...] Ինքնին եւ այժմ Տէր մերձեցիր ի մեզ ի ձեռն Հոգւոյդ Սրբոյ եւ օրհնեա զջուրս զայս, որպէս զի եղիցի սա ի շինութիւն տանց, ի բժշկութիւն հիւանդաց, փրկութիւն հոգւոց եւ մարմնոց, եւ օգտակար առ ամենայն պէտս. վասն զի դու ես ողորմած եւ մարդասէր Աստուած. փախիցեն ի սմանէ ամենաքեան որ խորհին չարիս ծառայից քոց. զանուն քո Տէր կարդասցուք զմեծն, զփառաւորեալն եւ զսքանչելին. եւ քեզ հանցուք զօրհնութիւն եւ զփառս Հօր, եւ Որդւոյ, եւ Հոգւոյդ Սրբոյ. այժմ եւ միշտ եւ յաւիտեանս. ամէն: [...] Եւ այժմ, տէր Աստուած մեր, օրհնեա զջուրս զայս, եւ արա զսա ի մաքրութիւն ծառայից քոց եւ հալածեա ի սմանէ զամենայն վասն եւ զչար բիծ եւ զախտ եւ զամենայն բռնութիւն սատանայի, եւ տնկեա ի սմա զշնորհս ամենազօր Հոգւոյդ Սրբոյ, զբժշկութիւն եւ զառողջութիւն եւ զյաղթութիւն ընդդէմ ամենաչարին զօրութեան: Եւ ամենեքեան մեք սովաւ արժանասցուք քոյին օգնականութեանդ եւ քո ընդունելութեանդ, բժշկութեանդ, օրհնութեանդ, եւ անդադար փառաւորեսցուք զՀայր եւ զՈրդի եւ զՍուրբ Հոգիդ. այժմ եւ միշտ եւ յաւիտեանս. ամէն:
Քահանայ կամ Սարկաւագ. Յամենայն ժամ օրհնեմք զօրհնեալ Փրկիչդ եմմանուէլ. ծնար ի Կուսէն եւ վերստին ծննդեամբ մկրտեցար այսօր ի Յորդանան ի Յովհաննէ. նորին բարեխօսութեամբ ընկալ զաղաչանս քոց պաշտօնէից. աղաչեմք:
Դպիրներ. Լուր, Տէր, եւ ողորմեա:
Քահանայ կամ Սարկաւագ. Որ սրբեցեր զջուրսն Յորդանանու սրբիչդ աշխարհի. տալով զկնիք նորոգման որդւոց Սիովնի. տուր մաքրութիւն սուրբ Եկեղեցւոյ, եւ ազատութիւն քում ժողովրդեան. աղաչեմք:
Դպիրներ. Լուր, Տէր, եւ ողորմեա:
Քահանայ կամ Սարկաւագ. Հեղցես Տէր, ի մեզ զշնորհս Հոգւոյդ զոր ընկալար տնօրէնութեամբ ի Յորդանան, զհոգի իմաստութեան, գիտութեան եւ զօրութեան. զհոգի հանճարոյ եւ խորհրդոյ աստուածապաշտութեան. լցո զմեզ հոգւով երկիւղի քոյ. աղաչեմք:
Դպիրներ. Լուր, Տէր, եւ ողորմեա:
Քահանայ կամ Սարկաւագ. Եւ եւս առաւել զյորդոդումն սիրոյ, եւ զգործս բարեաց պարգեւել մեզ խնդրեմք:
Քահանայ կամ Սարկաւագ. Տուր մեզ Տէր Աստուած:
Քահանայ կամ Սարկաւագ. Գոչմամբ Տիրուհւոյ իսկապէս մօր քոյ կուսի Մարիամու աստուածածնին, եւ հուպ եղելոյ քեզ հողանիւթ Հրեշտակին ի Յորդանան այսօր զքեզ ձեռնադրողին. կրկին բացողին զերկինս սրբոյն Ստեփանոսի նախավակային, եւ հօրն սրբոյն Գրիգորի Լուսաւորչին. եւ ամենայն սրբոց քոց, Տէր, որք յաւիտենից քեզ հաճոյացան. աղաչեմք: Տէր, ողորմեա. Տէր, ողորմեա. Տէր, որղորմեա: [...]
Քահանայ. Տէր ողորմեա:
Սարկաւագ. Վասն խաղաղութեան ամենայն աշխարհի եւ հաստատութեան սրբոյ Եկեղեցւոյ, զՏէր աղաչեսցուք:
Սարկաւագ. Վասն առաջի կայ ջրոյս եւ որ հանդերձեալ են հաւատովք ընդունիլ զօրհնութիւն ի սմանէ, զՏէր աղաչեսցուք:
Սարկաւագ. Վասն ընդունելոյ սմա զօրհնութիւնն Յորդանանու շնորհօք Միածնին որ լուսաւորեաց զմեզ, զՏէր աղաչեսցուք:
Սարկաւագ. Վասն իջանելոյ Հոգւոյն Սրբոյ ի ջուրս յայս եւ վերածնելոյ որք մկրտին եւ լինին որդիք լուսոյ եւ ճշմարտութեան, զՏէր աղաչեսցուք:
Սարկաւագ. Վասն լինելոյ սմա ի բժշկութիւն հոգւոց եւ մարմնոց, զՏէր աղաչեսցուք:
Սարկաւագ. Յիշելով զԱստուածածին սուրբ կոյսն Մարիամ եւ զմկրտիչն Յովհաննէս եւ զամենայն սուրբս, եւ նոքօք, զՏէր աղաչեսցուք:
Սարկաւագ. Եւ եւս միաբան վասն ճշմարիտ եւ սուրբ հաւատոյս մերոյ, զՏէր աղաչեսցուք:
Սարկաւագ. Զանձինս մեր եւ զմիմեանս Տեառն Աստուծոյ ամենակալին յանձն արասցուք:
Սարկաւագ. Ողորմեաց մեզ տէր Աստուած մեր, ըստ մեծի ողորմութեան քում. ասասցուք ամենեքեան միաբանութեամբ:
Քահանայ. Օրհնութիւն ջրոյ, զոր ասացեալ է սրբոյն Բարսղի Կեսարացւոյ: Օրհնեալ ես տէր Աստուած ամենակալ յամենայնի հզօր եւ սքանչելագոյծ, որ արարեր զերկինս եւ զերկիր եւ զծով յաննիւթից եւ յանպատրաստ խաւարային ամդմդոց, եւ Հոգիդ քո շրջէր ի վերայ ջրոց: [...] Դու ստեղծեր զմարդն հող յերկրէ, եւ կենդանացուցեր քո Ամենասուրբ փչմամբդ եւ սեփականեցեր նմա զդրախտն Եդեմ ընդ արեւելս. եւ զբոլոր աշխարհս հնազանդեցուցեր նմա: Իսկ նա ի պատրանաց օձին որ խաբեալ ջամբեաց նմա իբրեւ տղայոյ զպտուղ ծառոյն գիտութեան, մերկացեալ ի փառացն կարկատուն տերեւովն արտաքսեցաւ ի դրախտէն: Բայց դու ոչ անտես արարեր զծառայն քո, այլ գթագեալ ի ծնունդս նորա [...] Բացում եւ այլ սքանչելիս բարեգործեցեր յազգս մարդկան. իսկ ի վախճանի աւուրց առաքեցեր զՈրդիդ քո միածին ի հայրական ծոցոյ որ եկն եւ զգեցաւ զմարմին ի սրբոյ Կուսէն. եւ ել ի խնդիր մոլորելոյն զոր թշնամին եհան ի դրախտէն կենաց, եւ հետամտեալ իբրեւ զչար գազան մահաբեր թունօքն վիրաւորեաց ազգի ազգի ախտիւք. եւ վայրենի ճանապարհաց եւ դաշտաց ցիր եւ ցան կացոյց: Իսկ բարերար Միածինդ քո բարբառեալ քաղցր ձայնիւ ասաց եթէ. Եկայք առ իս ամենայն աղխատեալք եւ բեռնաւորք, եւ ես հանգուցիգ զձեզ քաղցր լծով եւ փոքր բեռամբ. եւ ժողովեալ զամենայն բարերարութեամբն իւրով էած ի Յորդանան գետ. եւ տեսեալ զվիշապն ահագին բունեալ ի ջուրսն որ կլանել զմարդիկ. [...] Իսկ միածին Որդիդ քո ինքնին իսկ մեծաւ զօրութեամբն իւրով ի ջուրսն գարշապարացն կոխան արարեալ, զմեծ գազանն թշուառացոյց, ըստ յառաջասաց մարգարէին թէ. Դու ջաղխեցեր զգլուխ վիշապին ի վերայ ջուրց: Անդ յայտնեալ քո զԱստուածութիւն իւր, Հայր, կարդալով առ նա. Դա է որդի իմ սիրելի, եւ լուսափայլ Հոգին աղաւանակերպ իջմամբն: Ուստի եւ յառաջընթաց կարապետն եւ մկրտիչն Յովհաննէս մատամբն ցուցանէ. Ահա գառն Աստուծոյ որ բառնայ զմեղս աշխարհի. եւ ապա ամենեցուն հրամայեաց իջանել ի ջուրն եւ կոխել զզօրութիւն թշնամւոյն. եւ լուացեալ խաչանշան դրոշմամբ, ի մի հօտ եւ ի մի հովիւ. ընտրեաց ի գաւիթս իւր սուրբ Եկեղեցի: Ամրացոյց մարգարէիւք, պարսպեաց առաքելովք, պսակազգեստ արար մարտիրոսօք, զուարճացոյց աւետարանական բանիւն, զի ամենեքեան վայելեսցեն ի խաղաղութեան: Երիտասարդք եւ կուսանք, ծերք եւ տղայք, հանդերձ ցնծութեամբ եւ ուրախութեամբ ամենայն հոգիք, տայցեն գոհութիւնս Աստուծոյ: Զի այսօր աստուածային եւ երկնային սուրբ եւ պատուական ե Տօնս. եւ ծագումն աստուածային ճառագայթից լուսոյ Սուրբ Հոգւոյն պայծառացեալ յաշխարհս ծագէ: Այսօր սրբէ զջուրս, լուսաւորէ զմարդիկ, եւ երկնայինս առնէ: Այսօր երկիր, նոր երկին եղեւ պատուով. քանզի Որդին Աստուծոյ յերկրի երեւեցաւ եւ ընդ մարդկան շրջեցաւ, եւ եկեալ այսօր ի Յորդանան գետ իջանելով սրբէ զջուրս, եւ լուսաւորէ զմարդիկ ի սրբութիւն ջրոյ եւ հոգւոյ կենդանութեան: Այսօր երրորդական Աստուածութիւնն յերկրի երեւեալ եւ լի է ամենայն երկիր փառօք նորա. Հայր յերկնից վկայէ. Դա է որդի իմ սիրելի, ընդ որ հաճեցայ. եւ Սուրբ Հոգին իջանելով ի վերայ նորա ի նմանութիւն աղաւնոյ: [...] Ինքնին եւ այժմ Տէր մերձեցիր ի մեզ ի ձեռն Հոգւոյդ Սրբոյ եւ օրհնեա զջուրս զայս, որպէս զի եղիցի սա ի շինութիւն տանց, ի բժշկութիւն հիւանդաց, փրկութիւն հոգւոց եւ մարմնոց, եւ օգտակար առ ամենայն պէտս. վասն զի դու ես ողորմած եւ մարդասէր Աստուած. փախիցեն ի սմանէ ամենաքեան որ խորհին չարիս ծառայից քոց. զանուն քո Տէր կարդասցուք զմեծն, զփառաւորեալն եւ զսքանչելին. եւ քեզ հանցուք զօրհնութիւն եւ զփառս Հօր, եւ Որդւոյ, եւ Հոգւոյդ Սրբոյ. այժմ եւ միշտ եւ յաւիտեանս. ամէն: [...] Եւ այժմ, տէր Աստուած մեր, օրհնեա զջուրս զայս, եւ արա զսա ի մաքրութիւն ծառայից քոց եւ հալածեա ի սմանէ զամենայն վասն եւ զչար բիծ եւ զախտ եւ զամենայն բռնութիւն սատանայի, եւ տնկեա ի սմա զշնորհս ամենազօր Հոգւոյդ Սրբոյ, զբժշկութիւն եւ զառողջութիւն եւ զյաղթութիւն ընդդէմ ամենաչարին զօրութեան: Եւ ամենեքեան մեք սովաւ արժանասցուք քոյին օգնականութեանդ եւ քո ընդունելութեանդ, բժշկութեանդ, օրհնութեանդ, եւ անդադար փառաւորեսցուք զՀայր եւ զՈրդի եւ զՍուրբ Հոգիդ. այժմ եւ միշտ եւ յաւիտեանս. ամէն:
Քահանայ կամ Սարկաւագ. Յամենայն ժամ օրհնեմք զօրհնեալ Փրկիչդ եմմանուէլ. ծնար ի Կուսէն եւ վերստին ծննդեամբ մկրտեցար այսօր ի Յորդանան ի Յովհաննէ. նորին բարեխօսութեամբ ընկալ զաղաչանս քոց պաշտօնէից. աղաչեմք:
Դպիրներ. Լուր, Տէր, եւ ողորմեա:
Քահանայ կամ Սարկաւագ. Որ սրբեցեր զջուրսն Յորդանանու սրբիչդ աշխարհի. տալով զկնիք նորոգման որդւոց Սիովնի. տուր մաքրութիւն սուրբ Եկեղեցւոյ, եւ ազատութիւն քում ժողովրդեան. աղաչեմք:
Դպիրներ. Լուր, Տէր, եւ ողորմեա:
Քահանայ կամ Սարկաւագ. Հեղցես Տէր, ի մեզ զշնորհս Հոգւոյդ զոր ընկալար տնօրէնութեամբ ի Յորդանան, զհոգի իմաստութեան, գիտութեան եւ զօրութեան. զհոգի հանճարոյ եւ խորհրդոյ աստուածապաշտութեան. լցո զմեզ հոգւով երկիւղի քոյ. աղաչեմք:
Դպիրներ. Լուր, Տէր, եւ ողորմեա:
Քահանայ կամ Սարկաւագ. Եւ եւս առաւել զյորդոդումն սիրոյ, եւ զգործս բարեաց պարգեւել մեզ խնդրեմք:
Քահանայ կամ Սարկաւագ. Տուր մեզ Տէր Աստուած:
Քահանայ կամ Սարկաւագ. Գոչմամբ Տիրուհւոյ իսկապէս մօր քոյ կուսի Մարիամու աստուածածնին, եւ հուպ եղելոյ քեզ հողանիւթ Հրեշտակին ի Յորդանան այսօր զքեզ ձեռնադրողին. կրկին բացողին զերկինս սրբոյն Ստեփանոսի նախավակային, եւ հօրն սրբոյն Գրիգորի Լուսաւորչին. եւ ամենայն սրբոց քոց, Տէր, որք յաւիտենից քեզ հաճոյացան. աղաչեմք: Տէր, ողորմեա. Տէր, ողորմեա. Տէր, որղորմեա: [...]
📝
Դպիրներ. Ով զարմանալի խորհուրդ այս մեծ յայտնեալ. Արարիչն Աստուած ի Յորդանան եկեալ: Կամէր մկրտիլ ի ծառայէն յիւրմէ. Չառնյոր Կարապետն, զմկրտելն ի յանձն: Գետ, մի զարհուրիր, քո Արարիչն եմ ես. Եկեալ մկրտիմ և լւանամ զմեղս:
Կոմիտաս Վարդապետ - Ա. 📝 |
Կոմիտաս Վարդապետ - Բ. 📝 |
Կոմիտաս Վարդապետ - Գ. 📝 |
Ապա ջուրին մէջ կը դրուի խոշոր խաչ մը եւ եպիստոպոսը կամ քահանան
Ս. Միւռոնի աղաւնին ձեռքը առած կ'օրհնէ ջուրը ըսելով.
Եւ ապա խաչը ջուրէն հանելէ ետք կ'երգուհի Ս. Հոգւոյ շարականը, մինչ
եպիստոպոսը կամ քահանան Ս. Միւռոն կը հեղու ջուրին մէջ:
📝
Դպիրներ. Առաքելոյ աղաւնոյ. իջանելով մեծաձայն հնչմամբ ի բարձանց. ի նմանութիւն լուսոյ փայլման հրազինեաց անկիզելի զաշակերտսն. մինչդեռ նստէին ի սուրբ վերնատանն: Աննիւթական աղաւնի. անքննելի որ քննէ զխորս Աստուծոյ. զոր առեալ ի Հօրէ պատմէ զահաւոր և զմիւսանգամ գալուստն. զոր քարոզեցին համագոյական: Օրհնութիւն ի բարձունս. ելողին ի Հօրէ Հոգւոյն Սրբոյ. որով առաքեալքն արբեցան անմահական բաժակաւն. և հրաւիրեցին զերկիրս ի յերկինս:
|
Մովսէս Խորենացի 📝 |
Սարկաւագ. Սուրբ Խաչիւս աղաչեսցուք զՏէր, զի սովա փրկեսցէ զմեզ ի մեղաց, եւ կեցուսցէ շնորհիւ ողորմութեան իւրոյ: Ամենակալ Տէր Աստուած մեր, կեցո եւ ողորմեա:
Քահանայ. Պահպանիչ եւ յոյս հաւատացելոց, Քրիստոս Աստուած մեր, պահպանեա զմեզ ընդ հովանեաւ սուրբ եւ պատուական Խաչիւդ քով ի խաղաղութեան. փրկեա յերեւելի եւ յաներեւոյթ թշնամւոյն. արժանաւորեա գոհութեամբ փառաւորել զքեզ ընդ Հօր եւ Հոգւոյդ սրբոյ. այժմ եւ միշտ եւ յաւիտեանս. ամէն:
Քահանայ. Օրհնեալ Տէր մեր Յիսւոս Քրիստոս. ամէն: Հայր մեր որ յերկինս ես, սուրբ եղիցի անուն քո։ Եկեսցէ արքայութիւն քո։ Եղիցին կամք քո, որպէս յերկինս եւ յերկրի։ Զհաց մեր հանապազորդ տուր մեզ այսօր։ Եւ թող մեզ զպարտիս մեր, որպէս եւ մեք թողումք մերոց պարտապանաց։ Եւ մի տանիր մեզ ի փորձութիւն, այլ փրկեա զմեզ ի չարէ: Զի քո է արքայութիւն եւ զօրութիւն եւ փառք յաւիտեանս. ամէն:
Քահանայ. Օրհնեալք եղերուք + ի շնորհաց Սուրբ Հոգւոյն: Երթայք խաղաղութիեամբ եւ Տէր եղիցի ընդ ձեզ եւ ընդ ամենեսեանդ. ամէն:
Քահանայ. Պահպանիչ եւ յոյս հաւատացելոց, Քրիստոս Աստուած մեր, պահպանեա զմեզ ընդ հովանեաւ սուրբ եւ պատուական Խաչիւդ քով ի խաղաղութեան. փրկեա յերեւելի եւ յաներեւոյթ թշնամւոյն. արժանաւորեա գոհութեամբ փառաւորել զքեզ ընդ Հօր եւ Հոգւոյդ սրբոյ. այժմ եւ միշտ եւ յաւիտեանս. ամէն:
Քահանայ. Օրհնեալ Տէր մեր Յիսւոս Քրիստոս. ամէն: Հայր մեր որ յերկինս ես, սուրբ եղիցի անուն քո։ Եկեսցէ արքայութիւն քո։ Եղիցին կամք քո, որպէս յերկինս եւ յերկրի։ Զհաց մեր հանապազորդ տուր մեզ այսօր։ Եւ թող մեզ զպարտիս մեր, որպէս եւ մեք թողումք մերոց պարտապանաց։ Եւ մի տանիր մեզ ի փորձութիւն, այլ փրկեա զմեզ ի չարէ: Զի քո է արքայութիւն եւ զօրութիւն եւ փառք յաւիտեանս. ամէն:
Քահանայ. Օրհնեալք եղերուք + ի շնորհաց Սուրբ Հոգւոյն: Երթայք խաղաղութիեամբ եւ Տէր եղիցի ընդ ձեզ եւ ընդ ամենեսեանդ. ամէն: